स्वप्न...
हास्यामध्ये विरघळत होता, तुझ्या मनाचा भाव एक
आकंठ होते डुबत माझे, ह्रदय तुझ्या प्रेमात एक ॥१॥
चंद्रालाही बघायची होती, आमावसेची रात्र काळी
चोरुन असता बघत त्याची, चंद्रकोर निघाली एक ॥२॥
बिज होते अंकुरले, आगमनाने पाण्याच्या
गगनचुंबीचे स्वप्न पाही, वेडावलेले रोपटे एक ॥३॥
चांदण्यात फिरत असता, चाहुल ढगांची लागली
मन वेडे बावरुन गेले, सरी पडताच एकाएक ॥४॥
शितल वारा वाहत होता, अंगाला झोंबत होता
ऊब प्राचीवर घेउन आली, सुर्यकिरणे एकाएक ॥५॥
मोत्यावाणी होते बरसत, पावसाचे थेंब जणु
पातीवर बिलगुन गेला, दवबिंदुचा थेंब एक ॥६॥
मनात होते लपले कुणी, डोळ्यापुढचे चित्र बनून
निशिगंधेत पाहीलेले गोड, तुझे स्वप्न एक ॥७॥
-गुलाब ढाकणे
कोई टिप्पणी नहीं:
एक टिप्पणी भेजें